Категорија: Настани

Подводно археолошко рекогносцирање на делови од источниот брег од Охридското Езеро

Кон крајот на месец Октомври успешно беше реализиран Проектот „Подводно археолошко рекогносцирање на делови од источниот брег од Охридското Езеро“ чиј носител беше НУ Завод за заштита на спомениците на културата и Музеј – Охрид. Проектот беше финансиран од Министерство за култура на РС Македонија, во Годишната програма на проекти од областа намузејската дејност.

Целта на проектот беше да се рекогносцираат локациите за кои постоеја индиции заархеолошки локалитети и поединечни наоди, да се дефинираат нивните граници, да се позицинира

нивната географска местоположба со помош на GPS уреди, но и да се откријат нови локалитети, со крајна цел нивно запишување во националниот регистар на културното наследство во РС Македонија.

Потребата за проект од овој тип произлезе од интересот на домашни и странски гости за авантуристички туризам, односно преку нуркачки активности да се посетуваат атрактивни

локации во водите на Охридското Езеро. Проектот имаше и заштитен карактер, бидејќи со прогласувањето на локалитетите и поединечните наоди за културно наследство, истите ќе бидат

заштитени од нелегални посети и активности.

Покрај рекогносцираните делови кај с. Пештани и с. Трпејца, посебно внимание привлекоа наодите на две локации во околината на локалитетот Плоча Миќов град, откриени при слободни нуркачки активности на членови од нуркачкиот центар Амфора од Охрид. Во првиот случај станува збор за три фрагментирани керамички садови за складишна употреба питоси, лоцирани на длабочина од 45, 35 и 5 м под површината на водата, а во вториот случај тоа е наодот на градежна керамика, односно покривни тегули од лаконски тип, откриени на длабочина од 19,5 м. Тегулите од лаконски тип биле во употреба во долг временски период низ антиката, но во

конкретниов случај станува збор за тегули со потекло од доцната антика, за прв пат откриени во водите од Охридското Езеро. И во двата случаи, оддалеченоста на предметите на 70 – 100 метри од брегот на езерото, укажува на фактот дека истите биле транспортирани по вода со некаков пловен објект, а од засега непознати причини биле истоварени на овие места.

Она рекогносцирање дава првична слика за она што се случува со овие локалитети и наоди, со што се добива појдовна точка во размислувањето за нивната иднина, која секако ќе опфаќа дополнителни археолошки истражувања, со крајна цел надополнувaње на сликата за животот во крајбрежниот појас од Охридското Езеро од праисторијата до денес.

Раководител на проектот

Bojan Taneski, археолог, виш кустос

Претседател,

Jovan Sekuloski – Diving Center Amfora

#diving#scubadiving#scubadive#ohridlakescubadiving#scubadivingmacedonia#amforadiving#scubadiverslife#underwater#underwaterphotography#gopro#goprohero#gopromkd#daily#instadaily#photooftheday#divingcenteramfora#sekuloskidiving#happy#archaeology#history#ancient#prehisto

Вака изгледаше Галеријата до 2000 година

За оние што знаат и што биле, едно потсетување, а за тие што не знаат и не биле, едно сосем кусо запознавање со некогашниот изглед на ентериерот на Галеријата, отворена во 1983 година. Вака изгледаше Галеријата до 2000 година, кога се изврши нејзина внатрешна преадаптација, измени во сталната поставка и опремување со современи апарати за одржување стабилни микроклиматски услови, потребни за иконите.

Официјална посета на претседателот на Република Словенија Борут Пахор

Во рамките на дводневната официјална посета на Република Северна Македонија, претседателот на Република Словенија Борут Пахор, во придружба на својот домаќин, претседателот Стево Пендаровски, денеска во Охрид посети дел од културно историските споменици. Меѓу другите, ја посети светски познатата Галерија на икони-Охрид која е дом на една од највредните и најубави збирки икони во светот и од која беше видно импресиониран, како и Античкиот театар кој, после повеќе од 2000 години, во последниве дваесет години повторно претставува центар на најзначајните и најголеми културни збиднувања во Охрид и во земјата, особено во летниот период.

Официјална посета на претседателот на Република Словенија Борут Пахор

АРМ во посета на праисториската наколна населба

Претседателот Stevo Pendarovski и нуркачкиот тим од баталјонот на специјалните сили на АРМ во посета на праисториската наколна населба и постојаната изложба на откриените артефакти во Музеј на вода – Залив на коските и Нуркачкиот клуб “Амфора”

АРМ во посета на праисториската наколна населба

ПРОТОКОЛ за спречување на пренесување и ширење на СОVID-19

ПРОТОКОЛ

за работа на библиотеки, музеи, галерии и изложбени простори

Заради спречување на пренесување и ширење на СОVID-19 инфекција предизвикана од

Коронавирусот, во библиотеки, музеи, галерии и други изложбени простори, потребно е

почитување на основните превентивни мерки за зашгита:

• Задолжително носење на лична заштитна опрема на лицето;

• Одржување на потребното физичко растојание;

• Обезбедување честа дезинфекција на рацете и

• Редовно чистење и дезинфекција на средината/просторијата/објектот.

1. Сите вработени лица и посетители, задолжително да носат лична заштитна опрема на лицето, што подразбира каква било форма на заштита која ги покрива пределот на носот и устата.

2. Одржување на потребното физичко растојание меѓу вработените, како и меѓу вработените и посетителите од 1,5 – 2 метри. На влезот да се постави известување за посетителите за задолжително одржување на потребното физичко растојание меѓу посетителите и меѓу посетителите и вработените.

3. Оrраничување на бројот на посетители согласно квадратурата на просторот, на 15 посетители на 100м2 нето површина (површина предвидена за движење на посетителите, односно од бруто површината одземена површината на експонатите, мебел и друга опрема).

4. Регулирање на бројот посетители во објектот, така што, откако ќе влезе максимално дозволениот број на посетители, повторно ќе може да влезат нови посетители, откако претходно ќе излезе и последниот посетител или на еден излезен посетител може само еден посетител да влезе.

5. Задолжително да се одредат лица за контрола на спроведување на мерките пред влезот и во самиот објект.

6. Пред билетарниците, да се обележи растојание (место за чекање) од 1,5 – 2 метри. Меѓу вработениот и посетителот да се обезбеди растојание од 1,5 – 2 метри или заштитна бариера. Да се препорача и практикува безконтактно плаќање со кредитни картички. Да се обезбеди и препорача on-line купување на влезници.

7. Пред влезот на објектот, да се обезбеди средство за дезинфекција на рацете, со известување за посетителите за задолжителна дезинфекција на рацете при влегување.

8. На видни места да се постават известувања за забрана за допирање на изложените експонати и површините со кои се заштитени експонатите. Сите површини кои се изложени на често допирање од старана на посетителите, треба континуирано често да се пребришуваат со дезинфициенси на база на алкохол.

9. Засилени саннтарно-хигиенски мерки, зачестено чистење 4 – 5 пати во текот на денот со употреба на средство за дезинфекција кое делува на вируси според упатство од производителот, алтернативно може да се користи 0,05% натриум хипохлорит (5% белило за домаќинство кое се користи во размер 1: 100) за подот или 70% алкохол за дезинфекција за горните површини.

10. Редовно и зачестено одржување на хигиената на тоалетите, со задолжително водење на евиденција за спроведеното чистење и употреба на горенаведените дезинфекциони средства.

За иконописот и иконите во светски познатата Галерија на икони-Охрид

За сите оние кои сакаат да дознаат нешто повеќе за иконописот и иконите во светски познатата Галерија на икони-Охрид, една флип верзија на книгата издадена во 1999 година:

ПРАИСТОРИСКА НАКОЛНА НАСЕЛБА ВО ЗАЛИВОТ НА КОСКИТЕ КАЈ ГРАДИШТЕ НА ОХРИДСКОТО ЕЗЕРО

И еве, се надеваме дека веќе се наоѓаме на крајот на оваа скоро тримесечна вонредна состојба предизвикана од Корона вирусот, па затоа претставувањето на музеите и археолошките локалитети за кои се грижи и ги презентира НУ Завод и Музеј-Охрид, го завршуваме со еден од најстарите, најистражените и најатрактивните локалитети, воедно и единствен од тој вид во нашата земја, секако во поглед на истраженост, атрактивност и презентација, бидејќи има и други слични локалитети кои допрва треба да се истражуваат, конзервираат, реконструираат и презентираат, уживајте!

ПРАИСТОРИСКА НАКОЛНА НАСЕЛБА ВО ЗАЛИВОТ НА КОСКИТЕ КАЈ ГРАДИШТЕ НА ОХРИДСКОТО ЕЗЕРО

Наколните надводни живеалишта како начин на човечко егзистирање во специфична микросредина се особено карактеристични за праисторискиот период и тоа од времето на неолитот-младото камено доба, енеолитот-бакарното доба, бронзеното и железното време.

Во 1977 година беа извршени првите подводни археолошки истражувања во Македонија на локалитетот Плоча Миќов Град, во Заливот на Коските, покрај јужниот брег на полуостровот Градиште, близу селото Пештани.

На длабочина од три до пет метри беа откриени многубројни дрвени колци закачени во езероското дно и многуброен движен археолошки материјал со хронолошка припадност на крајот од бронзеното и почетокот на железното време, односно, од 1200 година п.н.е. до 700 година н.е. Се претпоставува дека оваа и другите слични населби на Охридското Езеро припаѓаат на времето кога почнале да се профилираат првите племенски популации, односно, на времето на егзистирање на Бригите, најстарата племенска заедница од овие краишта, која е, всушност, составен елемент на старомакедонскиот етнички супстрат.

Истражувачите на дното од езерото евидентираа 6000 дрвени колци во истражувачките кампањи изведувани повремено од 1997 до 2005 година.

Врз основа на премерувачките зафати на габаритниот простор од населбата констатирано е дека таа се простирала на површина од околу 8500 м2. Остатоците од населбата се откриени на десетина метри од брегот на Заливот на Коските, на јужниот брег од полуостровот Градиште, во должина од 155 метри (запад-исток) и 55 метри (север-југ). Била изградена на платформа поставена на дрвени колци забиени во дното на езерото, а со дрвен мост населбата била поврзана со копното. Истражувањата покажаа дека на дното на езерото на просторот од оваа населба има впечатлива концентрација на цели, а особено на фрагментирани керамички садови, камени артефакти и фрагментирани животински коски. Во рамките на движниот археолошки материјал особено се присутни кружни керамички плочки со различен дијаметар кои имаат два, три, или четири кружни отвори. Се претпоставува дека овие предмети биле користени како риболовен прибор на тогашните жители на населбата. Од керамичките предмети присутни се исто така разни форми на пршлени, конусни и биконусни, како и предмети за ритуални потреби-жртвеници. Камените орудија се главно фрагменти од рачни мелници за жито, како и цели, измазнети елипсовидни камени предмети кои сигурно служеле како алатки за перење на облеката. Меѓу многуте фрагменти од коски на домашни животни, присутни се и фрагменти од еленски рогови кои најверојатно служеле како алатки.

Во рамките на овој музејски комплекс на зарамнетото плато е презентирана и тврдина-римски кастел од III век н.е. кој овозможува да се разгледа и едно друго време од македонската историја и археологија.

Комплексот содржи пристапен објект со постојана изложба на откриените артефакти и кафе-бар, база за подводна археологија и развивање на подводен туризам, наколна населба со 24 реконструирани праисториски куќи на дрвена платформа над езерската вода, повеќе реконструирани полуотворени градби во рамките на кастелот (во вид на видиковци за одмор на посетителите) и други содржини кои го збогатуваат вкупниот амбиент на водите и брегот на Охридското Езеро.