По повод 18 мај, Меѓународниот ден на музеите, НУ Завод за заштита на спомениците на културата и Музеј – Охрид, ве известува дека утре на 18.05.2024 година на археолошките локалитети и во музејските објекти Самуилова тврдина, Музеј на вода – Градиште, Куќа на Робевци и Галерија на икони влезот за сите посетители ќе биде бесплатен.
Автор: Muzej Ohrid
ЈАПОНСКИОТ ЛЕБДЕЧКИ СВЕТ – УКИЈО-Е
Во петок 26 април, во 13:30 часот во Куќата на Робевци ќе биде отворена патувачката изложба на големите јапонски мајстори за дрворези – УКИЈО-Е од XVII и XVIII век.
Патувачката изложба содржи 30 реплики од најпознатите мајстори на дрворези од XVII и XVIII век. Изложбата на македонската публика ќе и го приближи „светот кој лебди“, кој го отсликува подемот на трговската класа доловен од страна на најзначајните мајстори на УКИЈО-Е.
Изложбата е во организација на МузеумЛинк раководена од Јасминка Намичева, „Архифакт“ – Скопје, здружението за архитектура, дизајн и култура и Музеј на град Скопје.
Изложбата ќе патува благодарение на поддршката на AOTS, ТЕП Раде Кончар и Амбасадата на Јапонија по повод 30 години од воспоставување на дипломатските односи јапонски лебдечки свет.
Изложбата ќе ја отворат Н.Е. г. Казуја Оцука, Амбасадор на Јапонија, г-ѓа Јасмина Намичева, кустос и м-р Сашо Блажески.
ИЗВЕСТУВАЊЕ
По повод 18 април, Светскиот ден на спомениците и локалитетите, НУ Завод за заштита на спомениците на културата и Музеј – Охрид утре на 18.04.2024 година Ве известува дека на археолошките локалитети и во музејските објекти Самуилова тврдина, Музеј на вода – Градиште, Куќа на Робевци и Галерија на икони влезот за сите посетители ќе биде бесплатен.
ДЕН НА РЕТКИТЕ БОЛЕСТИ 2024 ГОДИНА
Оваа година НУ Завод за заштита на спомениците на културата и Музеј – Охрид се приклучи на шестата сезона од Националната кампања „Ги запознаваме ретките болести 2024“.
Илуминација на Самоилова Тврдина во боите на ретките болести.
https://www.facebook.com/gizapoznavameretkitebolesti/videos/407517184967372
Активности за соработка со Универзитетот за информатички науки и технологии „Св. Апостол Павле“ – Охрид
Со потпишување на Меморандум за соработка од страна на в.д. директор на НУ Завод и Музеј Охрид, м-р Ирена Шајн и проректорот на Универзитетот, професор д-р Устијана Речкоска Шикоска, официјализирана е претходно воспоставената соработка меѓу двете институции. Започнувањето на проектот насловен како „Зајакнување на капацитетите за управување со културното наследство на Охридскиот регион: Обука за развој на ГИС бази на податоци за Завод и Музеј – Охрид“ иницијатива на м-р Горан Патчев, послужи како повод за потпишување на овој Меморандум за соработка. Проектот опфаќа низа активности, вклучително и организација на „Регионален камп за реставрација“ (RRC) во партнерство со „Културно наследство без граници – Албанија“ (CHwB Албанија).
Дел од активностите се одвиваат во Амфитеатарот на Универзитетот за информатички науки и технологии „Св. Апостол Павле“, каде ќе има презентации од експерти од разни области а дел ќе се одвива на терен, организиран на двете локации на Македонска и Албанска страна, последователно, од 10 до 22 септември, за евиденција, инвентаризација, дигитализација и користење на современа технологија за 3Д снимање со помош на дронови и фотограметрија за изготвување на ортофотографии и топографски карти. Резултатите од кампот ќе бидат подлога за создавање на ГИС платформа за недвижното културно наследство и археолошките локалитети од Охридскиот регион со што ќе се обезбеди ВЕБГИС база на податоци која ќе може да ја користи и пошироката јавност а ќе се потхранува со податоци за недвижното културно наследство и заштитените археолошки локалитети собрани и документирани во текот на проектот.
8 Септември
Почитувани,
По повод 8 Септември, Денот на независноста на Република Северна Македонија, ве информираме дека влезот за посетители во сите објекти под надлежност на НУ Завод за заштита на спомениците на културата и Музеј-Охрид (Самоилова тврдина, Галерија на икони, Меморијална куќа на Христо Узунов, Куќа на Робевци, Музеј на вода) е бесплатен.
„Јакнење на капацитетите за управување со културното наследство на Oхридскиот Регион: Обука за развој на бази на податоци и ГИС-платформа за недвижно културно наследство за Заводот и музеј –Охрид“
Почитувани,
Ве информираме дека отпочнавме со реализација на проектот со наслов: „Јакнење на капацитетите за управување со културното наследство на Oхридскиот Регион: Обука за развој на бази на податоци и ГИС-платформа за недвижно културно наследство за Заводот и музеј –Охрид“. https://whc.unesco.org/en/intassistance/3274
Проектот го реализира НУ Завод за заштита на спомениците на културата и Музеј – Охрид и е со вкупен износ од 55 илјади американски долари, и има цел да ги надгради знаењата и способноста на стручните лица во Заводот и музеј – Охрид во однос на ГИС-вештините со помош од меѓународни експерти и во соработка со експерти вклучени во развојот на ГИС платформа од наша и од Албанска страна. Проектот опфаќа разни активности, како што се: Разгледување на постоечката документација и спроведување на теренска проверка на моменталната состојба на културното наследство врз основа на список на регистрирани локалитети на културното и археолошко наследство во Охридскиот регион и документирање со фотографии и GPS лоцирање. Дигитализирање на документацијата со стандардизирана процедура за евиденција на културното наследство што треба да се воспостави во рамките на проектот, а која ќе трба да биде компатибилна со системите кои се веќе воспоставени во нашата установа со системот на националниот електронски регистер но и со европските стандарди;
Следен чекор ќе биде, соработката со експерти вклучени во развојот на национална ГИС платформа за археолошки и архитектонски споменици во Албанија и со релевантните општини во Албанија со цел зајакнување на прекуграничната соработка за специфичните потреби на регионот на Охридското Езеро.
За таа цел склучивме меморандум за соработка со „Културно наследство без граници – Албанија„ (CHwB Albania), со кои заедно ќе спроведеме обука за вработените во НУ Завод и Музеј-Охрид како и за други учесници кои сакаат да учествуваат на „Регионален Реставраторски Камп“ (RRC), организиран на двете локации последователно, од 10 до 22 септември, за евиденција, инвентаризација, дигитализација и користење на ГИС платформата за недвижно културно наследство со цел. да се постави работен план кој обезбедува негово долгорочно одржување и редовно ажурирање. Резултатите од кампот ќе бидат подлога за создавање на ГИС платформа за недвижното културно наследство и археолошките локалитети од Охридскиот регион со што ќе се обезбеди ГИС базата на податоци која ќе може да ја користи и пошироката јавност а ќе се потхранува со податоци за недвижното културно наследство и заштитените археолошки локалитети собрани и документирани во текот на проектот;
На крај резултатите од проектот и ГИС платформата, ќе се претстават до Комисијата за управување со природното и културното наследство на Охридскиот регион и Заедничкиот комитет за управување со прекуграничното светско наследство „Охридско Езеро“.
Предвидено е проектот да трае 2 години (2023 – 2024) а го реализира нашиот колега м-р Горан Патчев, Виш конзерватор
Апликација за учество на кампот можете да најдете во следниов линк:
Промена на дрвената конструкција на античкиот театар
Античкиот театар е културниот бренд на градот Охрид. После две децении од повторното ставање во функција на овој локалитет НУ Завод за заштита на спомениците и Музеј – Охрид изврши комплетна промена на дрвената конструкција со нова безбедна и функционална за бројните посетители.
Одбележување на 18 Мај – МЕЃУНАРОДЕН ДЕН НА УЗЕИТЕ 2023
Музејски работник на годината од НУ Завод за заштита на спомениците на културата и Музеј – Охрид: Климент и Билјана Балеви
ИЗВЕСТУВАЊЕ
Почитувани,
За поголема промоција на културното наследство на Охрид и Охридскиот регион, како и генерално подигање на културната и јавна свест, ве информираме дека по повод 18-ти Maj, Меѓународниот ден на музеите, влезот за посетители во сите објекти под надлежност на НУ Завод за заштита на спомениците на културата и Музеј-Охрид е бесплатен.
Како дел од активностите кои се реализирани во претходниот период, претставуваат и виртуелните реконструкции на гробницата од македонски тип кај локалитетот „Караѓулевци“ и римската гробница кај локалитетот „Видобишта“. Со цел запознавање на јавноста за гробниците, виртуелните реконструкции ќе бидат проектирани во просториите на спомен куќата на Христо Узунов на 18-ти Мај.
Апелираме до сите кои се во можност, а посебно до претставниците на помладите генерации да ја искористат оваа прилика да се запознаат со значајното културно наследство со кое располага нашиот град.
