Автор: Muzej Ohrid

Марија Каневче (1970 -2022)

Марија Каневче м-р по етнолошки науки , кустос советник , од јануари 1993 година вработена во НУ Завод и Музеј – Охрид.

Поминаа 40 дена без нашата драга колешка Марија, без нејзината широка и топла насмевка , без нејзиниот ведар и секогаш позитивен глас.

Сега е во светло место, без болка, во рајот зошто таа е една ретка душа што го заслужува тоа.

Бројни и значајни беа нејзините теренски истражувања за презентација на семејните обичаи, етничките карактеристики на македонците, селските слави во охридско – струшкиот регион, Преспа и целото крајбрежје на Охридското Езеро.

Нејзината посветеност во музејската дејност остави најголем печат со презентација на етнолошкото културно наследство со реализирани околу 20 – тина изложби со различна тематика.

Дел од нејзините изложби се : Средства за ловење риба во Охридското езеро, Охридска староградска куќа , Автохроми од колекцијата на Музејот на Алберт Кан, Велигденски јајца, кошули покривала за глава , везови, градска облека , чорапи и скутини, облека и клашна, Рачната работа се губи , но во музејот останува, ,,Софрата” во охридските килими и најголем учество во постојаната поставка во Музејот на куќата на Робевци.

Целата нејзина активност е објавена во многу стручни зборници и списанија како во Етнолог пишувано е за средствата за ловење риба во Охридското Езеро, Традиционалните јадења од риба во Охрид и Охридските крајбрежни села, во Македонски фолклор пишувано е за Верувања и разлики во некои зимски празнувања меѓу Охрид и Дебрца, во зборникот Етнологија за Традиционалното фурнаџиство во Охрид и Струга. Учествува на симпозиуми во Киев со Шаренилото на охридските килими, во Штип со Историја на риболовот во Охридско – преспанскиот регион, во Хрватско Загорје учествува со тема Старите обичаи и обновените рибарски празнувања.

Ние колегите од НУ Завод и Музеј ќе ја паметиме Марија Каневче како одличен работник и добар пријател да навистина остави зад себе бројни изложби и творештво но остави уште поголема празнина меѓу нас.

+3

All reactions:

96

Почитувани,

Ве известуваме дека на 15.07.2022 година (петок) во 20 часот, во галеријата во Куќата на Робевци, ќе биде отворена самостојната изложба на слики од авторот Башки Меџити. Ќе бидат изложени 20тина дела работени во последната година во техника акрил на платно .

Башким Меџити е роденна 16 јули 1965 година во Гостивар. По завршувањето на средно образование ,,ЦСНО Злате Малакоски – Гостивар 1984/85, во 1986година се запишува на ФакултетзаЛиковна уметноствоПриштина, одсек сликарство во класата на проф. Тахир Емрес, каде што дипломирал во 1991 година. На истиот Универзитет, во 1998 година успешно ги завршува постдипломските студии и се здобил со звање: Магистер по сликарство.

САМОСТОЈНИ ИЗЛОЖБИ:

2021 – Центар за култура ,, ТрајкоПрокопиев ,, Куманово

2021 – Национална галерија ,, Мала станица ,,, Скопје

2019 година – Галерија Прима центар, Берлин – Германија

2019 година – Gallery MC, Њујорк, САД

2018 – Fellbach-HausSuharekë – Р. наКосово

2018 – Гултивар ,, Култ ’’ Гостивар

2017 – “КИЦ” – Скопје

2017 година – „Културен центар на Република Македонија, Софија – Р Бугарија

2015 – Gallery MC, Њујорк, САД

2009 – Gallery MC, Њујорк, САД

2008 – Отвореностудио, La Cite des Arts, Париз

2008 – Национална галерија на Македонија – ЧифтеАмам, Скопје

2007 – Њујорк, „Културен центар на РепубликаМакедонија

2006 – Центар „Лоја“ Тетово

2005 – “КИЦ” Скопје

2004 – Центар за култура Гостивар

2003 – „ВиаИгнатија“ Гостивар

2002 – К.Галерија, „ла Мираж“ Гостивар

2001 – „Долче Вита“ Гостивар

1998 – „Европа галерија“ Гостивар

Вчеравечер 07.07 2022 година во Музејот на Народната банка на Република Северна Македонија беше отворена изложбата В/РЕДНОСТИ И ВРЕДНОСТИ, по повод одбележувањето на 30 години од монетарното осамостојување во државата.

Меѓу големото богато културно наследство што е предлошка за дизајнот на македонските банкноти беа изложени и оригинални предмети од збирките на НУ Завод за заштита на спомениците на културата и Музеј – Охрид : Торзо на божицата Изида, Погребна златна маска, златни обетки, иконата Богородица Епискепсис, сад за евхаристија во форма на гулабица.

Почитувани,

изложбата Половина век современа карикатура на Блаже Докуле, која беше отворена на 17.-ти јуни, во Куќата на Робевци, можете да ја погледнете наредните денови , освен понеделник а заклучно со четврток. Влезот за изложбата е бесплатен!

работно време 09 :00 – 20:00 часот

Во посета на Ќуќата на Робевци беше Шарл Мишел- претседател на Европскиот Совет, Дејвид Гир – амбасадор на Европската унија во РС Македонија заедно со македонскиот заменик на Претседателот на Владата за европски прашања Бојан Маричиќ. Гостите имаа чест да ја видат охридската староградска архитектура и значајните Охридски резби во Ширванот на куќата.

Почитувани,

Ве известуваме дека на 17.06.2022 година (петок) во 20 часот, во галеријата во Куќата на Робевци, ќе биде отворена јубилејната изложба ПОЛОВИНА ВЕК СОВРЕМЕНА КАРИКАТУРА од авторот Блаже Докуле.

Блаже Докуле роден во 1953 година , дипломирал право во Битола. Црта непрекинато од 1971 година , негови карикатури се појавуваат во голем број публикации, како ,,ЕКРАН “ , ,,ОСТЕН “ , ,, НОВА МАКЕДОНИЈА “ , ,, БИТОЛСКИ ВЕСНИК “ , ,,СТУДЕНТСКИ ЗБОР “ , ,,ВРЕМЕ “ , ,,ЈЕЖ “ , ,,ОСМЕХ “ , ,, НОВОСТИ 8 “ , ,, МАСЕДОНИЈА ЊУС “ , ,, БЕЗ НАВРЕДА “ , ,, ТЕА КРСТОЗБОР “ , ,, СЛОБОДЕН ПЕЧАТ “ , ,, РЕПУБЛИКА “ , ,, БОРБА “ , ,,ТРУДБЕНИК “ , ,, К ОМУНИСТ “ и многу други. Припаѓа на третата генерација македонски карикатуристи која се појавува околу 1970 година, генерација со силен нов бран во светот на домашната и светската карикатура. Најнапред црта под влијани на француските мајстори на еротска карикатура Ласлави и Ховив , потоа силен впечаток му оставаат Борн, Барток и Забрански, а ги почитува и домачните автори Костовски , Анѓелкоски, Бороевиќ, Пејчинов, Игњат, Џајков, Филипов Јоциќ и неговиот наставник од основно училиште Петровски . Црта класична карикатура со особен свој стил како и стилизиран и ,, чист “ кроки стил на Волински и Рајзер . Блаже Докуле отворил три самостојни изложби во Книн 1980 година Битола 1999 година и во Струмица 2001 година. Добитник е на над 50 меѓународни и домашни награди од Кореја, Русија, Турција , Романија, Словачка меѓу нив и 4- ти Ноември – Битола и В. П. Цицо за животно дело како и ,, Гран при “ златени, сребрени и бронзени плакети. Наградуван е и за новинарство стрипови и хумуристични текстови . Блаже Докуле е најпечатениот автор во македонската карикатура веќе 50 години со непрекината работа.

Охрид од секогаш бил сведок на културни натпреварувања на цивилизациите кои оставиле трајни печати врз историјата и тоа му обезбедува едно значајно место на Балканот. Особено сме горди што тоа се случува и денес, преку иницијативата насловена ‘’Отворен Балкан’’, која што се одржа на 7-ми и 8-ми јуни. “. Н.У. Завод и Музеј – Охрид како подржувач на иницијативата ги отвори вратите на музејските објекти и им претстави дел од богатото културно наследство на високите гости од регионот, министерката за култура на Република Србија, г-ѓа Маја Гојковиќ, министерската за култура на Република Албанија , г-ѓа Елва Маргарити, во присуство на нашата министерка за култура, г-ѓа Бисера Костадиновска-Стојчевска.

Денес на покана на министерството за култура на панел сесијата ‘’Отворен Балкан, отворена култура’’, присуствуваше и в.д. директорката на Н.У. Завод и Музеј-Охрид, г-ѓа Катерина Велкоска.

Продолжуваат активностите околу санацијата на оштетувањата на праисториските куќи од наколната населба ‘’Заливот на коските’’, предводена од стручни лица при Н.У.Завод и Музеј Охрид. Во наредниот период ќе се работи на поправки на оштетените делови, односно на подовите и ѕидовите од праисториските куќи. При посетата на музејот, самите посетители ќе имаат можност одблиску да се запознаат и со изведувањето на конзервацијата на куќичките. Конзерваторските активности се реализираат под раководство на Ванчо Димоски, конзерватор при Н.У. Завод и Музеј – Охрид.

Почитувани,

Ве известуваме дека на 01.07.2022 година (петок) во 20 часот, во галеријата во Куќата на Робевци, ќе биде отворена самостојната изложба ,,Интимно Понирање,,од авторот Трајче Чатмов. Ќе бидат изложени 20тина дела работени во последната година во техника акрил на платно . Слики кои досега не биле изложени и кои се продолжување на циклусот ,,Интимно Понирање,, но и слики со една нова колористична гама . За неговиот последен циклус на дела професорот Гоце Наневски ќе каже :

Дали закопувањето на контаминирана земја со цезиум во земјена дупка, е чин со кој ја спасуваш останатата земја и се на неа? Дали ако носиш парче од некое свое дело во џебот го носиш и целото дело? Дали ако си говориш себе си на некој неразбирлив јазик, е разговор со самиот себe? Дали возењето со ист автомобил во кој се возел друг човек значи дека си се возел со истиот човек?

Понекогаш е полесно нештата да ги предвидиш одколку да ги погледнеш наназад. Добро е да гледаш нанапред со сликата. Малку гледаме нанапред иако иднината го бара тоа од нас. Сакаме да ја менуваме иднината, таа е мистериозна, таа нуди дарови и слики.

Погледот на минатото е поглед на слика од коцки и кругови(намерно не велам топки), таа не учи и ја има моќта да не охрабри. Можните истории ги нуди само иднината, оној момент кога ќе го разбереме тоа, разбираме зошто минатото е такво. Сакаме ли некако наназад да ја (по)влечеме иднината? Дали можеме да бидеме во исто време и во минатото и во иднината? По некаква логика тоа е (не)можно, или ако еден лист хартија го превиткате на пола, две точки од него ќе се најдат на исто место.

Создавањето уметност врз почва полна со „храна” е убаво. Дискусијата за создавањето уметност секогаш треба да го има предвид времето во кое таа е создадена. Дискусијата за создавањето уметност секогаш треба да ги има предвид општествените услови во кои таа е создадена. Нема добри услови за создавање уметност. Добрите услови се одтаде уметноста.

Диктатурата е едно од местата во кои се создавало уметност. Медиумскиот “розев” мрак исто така. Мракот и светлината се услови во кои е подеднакво создавано. Мракот и светлината се како просторот и формата. Просторот ја дефинира формата. Сликарството кога е различно има можност да биде објаснето. Почитта е етички-ликовен момент. Сликарството има моќ да учи. Без учење нема сликарство. Рефлектирањето вон сликарството е утопија. Рефлектирањето во сликарството е историја или повеќе можни истории.

Еднаш напишав: „Предзнаењата се одлични” и „Легендите се за читање”.

Сега дополнувам: “Читајте ги сликите на Чатмов!”

Нашиот концерт во Музејот на вода кај Градиште покажа дека во предисториските населби, освен што се живеело убаво, убаво било и да се свири. Уживавме во привилегијата да бидеме меѓу Охридското Езеро и Галичица и да го исполниме овој магичен простор со нашата музика.

Им благодариме на сите гости што дојдоа на концертот и особено на Ивица Јанкуловски за извонредниот звук и на Христијан Талевски и Маја Аргакијева за прекрасните фотки и видеа. Особено сме им благодарни на сите од Завод и музеј – Охрид за нивната подршка и ентузијазам заеднички да го реализираме овој настан, а којшто веруваме ќе прерасне во традиција.

Фотографии: Христијан Талевски